انگلش کھلاڑی بیمار، پہلا ٹیسٹ 1 دن تاخیر سے شروع ہونے کا امکان
لاہور(جے ٹی این پی کے) انگلش کھلاڑی بیمار پہلا ٹیسٹ
انگلش کھلاڑیوں اور آفیشلز کی طبیعت ناسازی کے باعث کھیلا جانے والا پنڈی ٹیسٹ 1 دن تاخیر سے شروع ہونے کا امکان ہے۔
ذرائع کا کہنا ہے کہ انگلش ٹیم کے کم از کم 14 کھلاڑی اور آفیشلز کی طبیعت خراب ہے اور ان کو فوڈ پوائزن سمیت وائرل انفیکشن کی شکایت ہے۔
جس وجہ سے انگلینڈ کے پاس 11 فٹ کھلاڑی دستیاب نہیں ہیں۔
ذرائع کیمطابق پاکستان کرکٹ بورڈ اور انگلش بورڈ اس حوالے سے بات چیت کررہے ہیں جس کے بعد آج ٹیسٹ شروع ہونے کے امکانات نہیں ہیں۔
یہ بھی پڑھیں : دورۂ پاکستان میں انگلینڈ کرکٹ ٹیم اپنا باورچی ساتھ لائے گی
ذرائع کے مطابق پی سی بی کا کہنا ہے اس حوالے سے ا ٓئی سی سی کو بھی
آگاہ کرینگے لیکن یہ خالصتاً دونوں بورڈز کا معاملہ ہے،
بات چیت کے بعد اس حوالے سے باضابطہ اعلان کیا جائے گا۔
ذرائع کا بتانا ہے کہ پاکستان کرکٹ بورڈ پہلے ٹیسٹ کی ٹکٹیں فروخت کرچکا ہے۔
جس کے باعث بورڈ کو تمام معاملات طے کرنا ہیں۔
دورہ پاکستان کے لئے آنے والی انگلش ٹیم اپنا شیف بھی ساتھ لائی ہے
لیکن ان کے شیف کی طبیعت بھی ناساز ہے۔
انگلش کھلاڑی بیمار پہلا ٹیسٹ
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
