اسناد کے منتظر میٹرک پاس طلبہ سے تعلیمی بورڈ فیصل آباد کا انوکھا مطالبہ

فیصل آباد: اسناد کے منتظر میٹرک پاس طلبہ

تعلیمی بورڈ فیصل آباد سے میٹرک پاس طلبا و طالبات دو سال کا عرصہ گزرنے اور امتحانات کیلئے جمع کرائی جانے والی داخلہ فیس کے ساتھ سند کی مطلوبہ فیس چھ ہزار روپے جمع کرانے کے باوجود تاحال اسناد سے نہ صرف محروم ہیں، بلکہ تعلیمی بورڈ نے پہلے سے پریشان حال طلبہ کو سند کے حصول کیلئے مزید 6 ہزار جمع کروانے کا تقاضا کر دیا ہے۔

= — = تعلیم سے متعلق مزید خبریں (== پڑھیں ==)

تفصیلات کے مطابق تعلیمی بورڈ فیصل آباد میٹرک پاس طلبا و طالبات کو دو سال کے عرصہ

میں اسناد جاری کرتا تھا لیکن اب دو سال کا عرصہ گزرنے کے باوجود طلبا و طالبات کو اسناد

نہیں ملیں، اگر کسی کو ضرورت ہو تو تعلیمی بورڈ فیصل آباد نے سند کی فیس 6000 روپے

جمع کروانے کی شرط عائد کر رکھی ہے، جبکہ تعلیمی بورڈ فیصل آباد سند کی فیس داخلے کے

وقت طلبا و طالبات سے وصول کر لیتا ہے، وقت پر سند جاری نہ کرنا تعلیمی بورڈ فیصل آباد کی

نااہلی اور غفلت کا نتیجہ طلبا و طالبات کو بھگتنا پڑ رہا ہے، جو کہ سراسر زیادتی ہے، غریب

طلبا و طالبات مہنگائی کے موجودہ دور میں 6000 روپے کہاں سے لائیں، اس طرح میٹرک پاس

طلبا و طالبات اپنی اسناد کے حصول کیلئے خوار ہو رہے ہیں، پرائیویٹ سکولز فورم کے عہدیداران

رانا شاہد مقرب، ندیم سندھو، میاں ندیم شہزاد، حاجی جاوید اقبال، چوہدری گلزار حسین، رانا خلیل

احمد، رانا اسامہ اسلم، عارف سندھو، محمد سعید علوی، میاں اکرم شفیق، سید محسن گیلانی و دیگر

نے چیئرمین اور سیکرٹری تعلیمی بورڈ فیصل آباد سے مطالبہ کیا ہے کہ میٹرک پاس طلبا و طالبات

کو فوری طور پر اسناد جاری کی جائیں۔

قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ

اسناد کے منتظر میٹرک پاس طلبہ ، اسناد کے منتظر میٹرک پاس طلبہ ،